Your Ad Here
Your Ad Here
Your Ad Here

Papia tum rê nirbhagia,

8/11/2007

Papia tum rê nirbhagia,
tum pap nam sanddxi!
sasnnachea sasnnak, papia,
iemkonddant pavxi!

Dhon ani grestkai, papia,
hangach dovorxi;
tujeô kornniô gheun, papia,
zhôtt'ttek rê vexi.

Hanga pap tuj' dhampolam,
thòi tem ugtem zait.
Devagelo xrap, papia,
tujer rê poddot.

Soitan nhoi rê, papia,
dusman rê tuzo;
iemkonddant zaxi, papia,
gulam' rê tazo.

Devan rochila, papia,
sorgachea sukhak;
kiteak tum vetai, papia,
sasnnachea dukhak?

Pap bhogsuncheak rê, papia,
upai rê sompo:
ontoskornna-dukh, papia,
an' nichêv khoro.

Kumsarak vochunk, papia,
Loz dhori naka:
Somi Jezu Krist, papia,
ravta rê tuka.

Devacho rê Put, papia,
monisu zalo;
sorgar thaun tuka, papia,
soddounk rê ailo.

Dev sonvs'rant ailo, papia,
koxttu rê sosun;
khursar prann dilo, papia,
amchê rê pasun.

Kitlim-i zaum patkam, papia,
kàich bhie naka:
kaklutichi Mai, papia,
ravta rê tuka.

0 comments:

Post a Comment

  © Blogger template On The Road by Ourblogtemplates.com 2009

Back to TOP