Your Ad Here
Your Ad Here
Your Ad Here

Papia Nirbhagia

8/11/2007

Papia Nirbhagia
Pap na sanddsi
Sasnnachea sasnna, papia
Infernant vesi

Dhon ani dirvem tujem
Hangach dovorsi
Tujio kornio ghevn papia
Zoddtek-re vesi

Hanga pap dhamplear
Thoin ugtem zait
Devagelem maldisanv papia
Tujer bhezat

Thoin tum papia
Soglloch kampsi
Upaiavinn papia
Kheastik sampoddsi

Eextt ani montr tuje
Tukach kamptit
Kallav korinastana tuka
Fonddant-re dhamptit

Thoin tuji papia
Zait dhull mati
Sukhan vadoileli kudd papia
Kidde-re khatit

Devacho put, papia
mhonis-re zalo
Tuka sodovncheak papia
Sonvsarant ailo

Devan tuka rochilo
Sorginchea sukha
Kiteak vetai papia
Emkkonddachea dhukha

Soitan eextt zavn
Fottoita tuka
Vhodd niskuchar papia
Asare taka.

To nhoi-re eextt papia
Dusman tuzo
Infernant vetoch papia
Gulam tum tacho

Gulam tum zalear
Ark zait taka
Sorg ani sonvsar papia
Roddot-re tuka.

Sandd papia, pap tujem
Mornachea adim
Devageli kakut papia
Bhogsit-re vegim

Kelelem pap, papia
Sangonk lozonaka
Devachi mai papia
Aiti ravlea tuka.

0 comments:

Post a Comment

  © Blogger template On The Road by Ourblogtemplates.com 2009

Back to TOP