Deva doiall kakutichea

Deva doiall kakutichea
Bhogos bapa mogachea
Bapoi mhonnonk addvornaka
bhurgeank tujea soddnaka

E jezu, hanv kakut magtam
Ditoloi mhonn patietam
Sorv mhojim patkam kanttoltam
Aichean tim sokkodd sanddtam.
Patkam khatir mhaka favo
uzo kotthinn sasnnacho
Koxtt vollvolle emkonddache
Sodanch zollchea ujeache

Patok adharn hanvem sanddlem
Sasann sukh devagelem
Sanddlo sangat anj bhoddveancho
Sontos devak pollenvcho

Ablle mhojo soddvonndar
Morta kalvar porvotar
Mhoje khatir to vollvollo
Hanvem taka khillailo

Itlo boro jezu mhojo
Gonddo sampurnn kallzacho
Kitem mhonn hanv tujer chuklom
Koso tujer uprattlom!