Doiall Deva Kaklutichea,

Doiall Deva Kaklutichea,
bhogôs, Bapa mogachea,
Bapui mhonnunk addvarnaka,
bhurgeank Tujeam soddnaka.

Dp.:Eh, Jezu, hanv kaklut magtam:
ditoloi mhonn patietam.
Sorv mhojeam patkank kanttaltam,
Aichean tim sogllim sanddtam

Patka khatir mhaka favo
uzo kotthin sasnnacho,
koxtt-vollvolle iemkonddache,
sodanch zolltea ujeache.

Patok adar'n hanvem sanddlem
sasonn-sukh Devagelem,
sanddlo sangat anj-bhoddveancho
sontôs Devak pollouncho

Polle mhozo Dev-Soddvonndar
morta Kalvar porvotar
Mhojê khatir To vollvoll'lo,
hanvem Taka khillailo!